Category Archives: Abdul Hameed Adam
Maikada tha chaandani thi ma na tha
Maikada tha chaandani thi ma na tha
Ik mujassam bekhudi thi ma na tha
Ishq jab dam toRta tha tum na the
Maut jab sar dhun rahi thi ma na tha
Toor par cheRa tha jis ne aap ko
Wo meri deevaangi thi ma na tha
Maikade ke moR par rukti huii
Muddaton ki tashnagi thi ma na tha
Ma aur us guncha’dahan ki aarzuu
Aarzuu ki saadgi thi ma na tha
Gaisuuon ke saaye ma aaraam’kash
Sar barahna zindagi thi ma na tha
Dair-o-kaaba ma Adam hairat farosh
Do jahaan ki bad’zani thi ma na tha
vo baatein terii vo fasaane tere
vo baatein terii vo fasaane tere
shaguftaa shaguftaa bahaane tere
bas ek zaKhm nazzaaraa hissaa meraa
bahaarein terii aashiyaane tere
bas ek daaG e sajdaa merii qaayenaat
jabiinein terii aastaane tere
zamiir e sadaf mein kiran kaa muqaam
anokhe anokhe Thikaane tere
faqiiron kaa jamaghaT gharii do gharii
sharaabein terii baadaaKhaane tere
bahaar o Khizaa.N kam nigaahon ke vaham
bure yaa bhale sab zamaane tere
Adam bhii hai teraa hikaayatkadaah
kahaan tak gaye hain fasaane tere
tere dar pe vo aa hii jaate hai.n
tere dar pe vo aa hii jaate hai.n
jin ko piine kii aas ho saaqii
aaj itanii pilaa de aa.Nkho.n se
Khatm ri.ndo.n kii pyaas ho saaqii
halqaa halqaa suruur hai saaqii
baat koi zaruur hai saaqii
terii aankhain kisii ko kyaa de.ngii
apanaa apanaa suruur hai saaqii
terii aankhon ko kar diyaa sajadaa
meraa pahalaa qusuur hai saaqii
tere ruKh pe ye pareshaa.N zulfein
ik a.Ndhere mein nuur hai saaqii
terii aankhain kisii ko kyaa de.ngii
apanaa apanaa suruur hai saaqii
piine vaalon ko bhii nahi maaluum
maikadaa kitanii duur hai saaqii
aap agar ham ko mil gaye hote
aap agar ham ko mil gaye hote
baaG mein phuul khil gaye hote
aap ne yuun hii ghuur kar dekhaa
hont to yuun bhii sil gaye hote
kaash ham aap is tarah milate
jaise do vaqt mil gaye hote
ham ko ahal e Khirad mile hii nahii.n
varanaa kuchh munfaiil gaye hote
us kii aankhein hii kaj nazar thiin Adam
dil ke parde to hil gaye hote
apanii zulfo n ko sitaaron ke havaale kar do
apanii zulfo n ko sitaaron ke havaale kar do
shahar e gul baadaagusaaron ke havaale kar do
talKhi e hosh ho yaa mastii e idaraak e junuun
aaj har chiiz bahaaron ke havaale kar do
mujh ko yaaro na karo rahnumaaon ke supurd
mujh ko tum rahguzaaron ke havaale kar do
jaagane vaalo.n kaa tuufaan se kar do rishtaa
sone vaalon ko kinaaron ke havaale kar do
merii taubaa kaa bajaa hai yahii ejaaz Adam
meraa saaGar mere yaaron ke havaale kar do
jab tere nain muskuraate haiN
jab tere nain muskuraate haiN
zeest ke ranj bhool jaate haiN
kyuuN shikan Daalte ho maathe par
bhool se aa gaye ham jaate haiN
is haseeN aaNkh ke ishaare par
qaafile raah bhool jaate haiN
kashtiyaaN yuuN bhii Duub jaatii haiN
naKhudaa kis liye Daraate haiN !!!!
Khaali hai abhii jaam maiN kuchh soch rahaa hooN
Khaali hai abhii jaam maiN kuchh soch rahaa hooN
ai gardish e aiyyaam maiN kuchh soch rahaa hooN
saaqii tujhe ik thorhii-si takliif to hogii
saaghar ko mere thaam maiN kuchh soch rahaa hooN
pahale barhii raghabat thii tere naam se mujh ko
ab sun ke teraa naam maiN kuchh soch rahaa hooN
idraak abhii poora taaavun nahiiN kartaa
de baada e gulfaam maiN kuchh soch rahaa hooN
hal kuchh to nikal aayega haalaat ki zid ka
ai kasrat e aalaam maiN kuchh soch rahaa hooN
phuulon kii aarazuu mein bare zaKhm khaaye hain
phuulon kii aarazuu mein bare zaKhm khaaye hain
lekin chaman ke Khaar bhii ab tak paraaye hain
us par haraam hai Gam e dauraan kii talKhiyaan
jisake nasiib mein terii zulfo.n ke saaye hain
mahashar mein le gaii thii tabiyat kii saadagii
lekin bare Khuluus se ham laut aaye hain
aayaa huun yaad baad e fanaa unako bhii Adam
kyaa jald mere siikh pe imaan laaye hain
saaGar se lab lagaa ke bahut Khush hai zindagii
saaGar se lab lagaa ke bahut Khush hai zindagii
sahan e chaman mein aake bahut Khush hai zindagii
aa jaao aur bhii zaraa nazadiik jaan e man
tum ko qariib paake bahut Khush hai zindagii
hotaa koi mahal bhii to kyaa puuchhate ho phir
bevajah muskuraa ke bahut Khush hai zindagii
saahil pe bhii to itanii shagufataa ravish na thii
tuufaan ke biich aake bahut Khush hai zindagii
viiraan dil hai aur Adam zindagii kaa raqs
jangal mein ghar banaake bahut Khush hai zindagii
phuulon kii Tahaniyon pe nasheman banaayiye
phuulon kii Tahaniyon pe nasheman banaayiye
bijalii gire to jashn e charaaGaan manaayiye
kaliyon ke ang ang me.n miThaa saa dard hai
biimaar nikahaton ko zaraa gudgudaayiye
kab se sulag rahii hai javaanii kii garm raat
zulfein bikher kar mere pahaluu mein aayiye
bahakii huii siyaah ghaTaao.n ke saath saath
jii chaahataa hai shaam e abad tak to jaayiye
sun kar jise havaas me.n ThanDak sii aa base
aisii koii udaas kahaanii sunaayiye
raste pe har qadam pe Kharaabaat hain Adam
ye haal ho to kis tarah daaman bachaayiye