Category Archives: – Four Lines –

Gilley hain hazaron ke badle ho kyon tum

Gilley hain hazaron ke badle ho kyon tum,
Magar ab karain kyon gillaa ajnabi se,

Azal hai neendain ganwaaney ka silsila,
Yeh acha nahin silsila ajnabi se..

Advertisements

Dil jo toota hai to dil ke konon se

Dil jo toota hai to dil ke konon se,
Teri meri nishaniyan nikli’n,

Tu gaya hai to mere yaaron mein,
Kesi kesi kahaniyan nikli’n…

Lafzon ki Justuju mein sub kuch Ganwa dia

Lafzon ki Justuju mein sub kuch Ganwa dia..
Wo ChaL dia’ Mein Tarz-e-Adaa Dhoondta raha..

Usko Kisi ne RAB se maang liya aur mein..
Sajdey men Gir k Harf-e-Dua dhoondta raha..!

Aese Bichrro Nahin, Sadaa Ke Liye

Aese Bichrro Nahin, Sadaa Ke Liye,
Mujh Se Rootho Na Tum, Khuda Ke Liye,

Main Ne Manga Hai Bas Tumhe Rab Se,
Hath Jab Bhi Uthey Dua Ke Liye..

Taazi Hai Ab Bhi Us Mulaaqat Ki Khushbu

Taazi Hai Ab Bhi Us Mulaaqat Ki Khushbu,
Jazbaat Me Dube Hue Lamhat Ki Khushbu,

Jis Phul Ko Pal Bhar K Lye Thaam Liya Tha,
Muddat Se Haathon Me Hai Usi Gulaab Ki Khushbu…

Mujhy Chhor Day Meray HaaL Par

Mujhy Chhor Day Meray HaaL Par,
Tera Kya Bharosa Aey Hum Safar. . .!

Teri Mukhtasar Si Nawazishain
Mera DarD Aur Barhaa Na Dain..!!

Khwaab Aankhon Mein Chubho Ker Dekhoon

Khwaab Aankhon Mein Chubho Ker Dekhoon,
Kaash Main Bhi Kabhi So Ker Dekhoon.

Shayed Ubhre Teri Tasveer Kaheen,
Main Teri Yaad Mein Ro Ker Dekhoon..

ye tere khat, tiree khushboo

ye tere khat, tiree khushboo, ye tere khawab-o-khyaal
mataa-e-jaan hain tere qaul-o-qasam ki tarah

guzishtaa saal maine inhein gin ke rakha tha
kisi ghareeb ki jori hui raqam ki tarah,,,,

Khud ko parhta hoon chorr deta hoon

Khud ko parhta hoon chorr deta hoon,
Roz ik warq morr deta hoon,

Iss kadar zakhm mein nigahon mein,
Roz ik aayina torr deta hoon..

(warq;page)

Gham is kadar barhey ke mein ghabra ke pee gaya

Gham is kadar barhey ke mein ghabra ke pee gaya,
Is dil ki be-basi pe tarss kha ke pee gaya,
Thukra raha tha mujh ko bari der se jahan,
Main aaj sab jahan ko thukraa ke pee gaya..

%d bloggers like this: