Mere liye to wo khan’jar bhi phool ban ke uthaa

Mere liye to wo khan’jar bhi phool ban ke uthaa,
Zabaan sakht thi, lehjaa magar karakht na tha.

Advertisements

Tum ne kaha tha, Pehli barish ke parte hi

Tum ne kaha tha,
Pehli barish ke parte hi,
Laut aao ge..!!
Hum aur tum mil kar bheegain ge,
Dekho jana..!!
Kitni phua’rain beet chuki hain,
Saawan phir se laut ke aaya hai,
Barson pehle kiya tha tum ne,
Mujh se ehad,
Nibhaa jao na,
Janaan! Laut ke aajao naa,
Ab to laut ke aajao naa..!!

Andheri raaton ke tanhaa musafiron ke liye

Andheri raaton ke tanhaa musafiron ke liye,
Diyaa jalata hua koi saaz o rakht na tha.

Dil jo toota hai to dil ke konon se

Dil jo toota hai to dil ke konon se,
Teri meri nishaniyan nikli’n,

Tu gaya hai to mere yaaron mein,
Kesi kesi kahaniyan nikli’n…

Jis taraf bhi dekhon tera hi aks muyasar hy ankhon ko

Jis taraf bhi dekhon tera hi aks muyasar hy ankhon ko,
Jan-e-man, ye hr koi tum jaisa hy ya sara zamana tum ho.

Nahi hota kisi tabeeb se is marz ka ilaj, Ishq la-ilaaj hai bass ehtyat keejiye..

Nahi hota kisi tabeeb se is marz ka ilaj,
Ishq la-ilaaj hai bass ehtyat keejiye..

Tarha Tarha Se Bhulaya Magar Ye Haal Hua, Har Ek Khayal Se Paida Tera Khayal Hua…

Tarha Tarha Se Bhulaya Magar Ye Haal Hua,
Har Ek Khayal Se Paida Tera Khayal Hua…

(¯`v´¯)
`·.¸.·´ FASH FOREVER
¸.·´¸.·´¨) ¸.·*¨)
(¸.·´ (¸.·´

Jo apni umar se aagey nikal rahi ho tum

Jo apni umar se aagey nikal rahi ho tum,
Tumhain khabar hai jawani mein dhal rahi ho tum,

Kabhi tumhe bhi to daawa tha sard-mehri ka,
Kisi ke lamss ko paa kar pighal rahi ho tum,

Batao kyon nahin roka tha jaane waley ko,
Ab aik umar se kyon hath mall rahi ho tum,

Jo waaldain ne tum se kaha woh maan liya,
Ab apni aag mein chup chaap jal rahi ho tum,

Hamare dil ka khilona tumhi ne torra hai,
Ab isi khilone ki khatir machal rahi ho tum,

Tumhe gumaa’n hai ke mein janta nahin kuch bhi,
Mujhe khabar hai ke rasta badal rahi ho tum..

(waaldain;parents)

Pehle is mein ik adaa thi, naaz tha, andaaz tha, Roothna ab to teri aadat mein shamil ho gayaa..

Pehle is mein ik adaa thi, naaz tha, andaaz tha,
Roothna ab to teri aadat mein shamil ho gayaa..

(¯`v´¯)
`·.¸.·´ FASH FOREVER
¸.·´¸.·´¨) ¸.·*¨)
(¸.·´ (¸.·´

Ab phool yeh wafaon ke chunta nahin koi

Ab phool yeh wafaon ke chunta nahin koi,
Guldaan udaas they usey takta nahin koi,

Gham baantne ki aas pe na rehna dosto,
Auron ki aag mein yahan jalta nahin koi,

Yu’n roshni ne khalaq se cheena hai aitbar,
Tareekiyon se ab yahan darta nahin koi,

Dunya to teri yaad ka paikar bhi cheenti,
Sad-shukar is pe dastaras rakhta nahi koi,

Wakif hain is safar ki sau’bat se sarey log,
Is raah-guzaar e ishq pe chalta nahin koi,

Dukh ki kisi sadaape paltey nahin hain hum,
Seenay mein ab to dard bhi uthta nahin koi..

%d bloggers like this: